手作－木雕匙羹

用斧頭把木頭破開，今次木頭size大約1/3就夠了。

用斧頭把破開的一面削平，畫上匙羹的草圖。














先用鋸，向匙羹鋸頸位置鋸下。

開始用斧頭削，斧頭手要輕輕從上而下削，靠令一隻手控制住木頭，轉動角度和位置。




小刀再細緻點削，匙羹的凹位也可以用小刀，不過刀頭要用比較圓的。用U型雕塑刀會比較易處理，之可用小石頭打磨。

慢火著一個鐘左右，可加上重物今它留在水中，小心煲乾水。擺放在通風地方避免陽光暴晒，等大約一星期乾透。

可以再用沙紙打磨，上油後再打磨再上油蠟。完成

Gränsfors Bruk Wildlife Hatchet

去荷蘭既時候，去左一家露營用品鋪，

櫥窗見到一排斧頭，分別有Hultsbruk 和 Gransfors Bruk。之前係YouTube都見到D歐洲人Camping 或者玩bushcraft 都好喜歡用

斧頭伐柴，伐木材等，做左D research，我自己比較喜歡Gransfers Bruk，先計計價，再請店員比我睇睇，一拿上手，就帶左E把Wildlife Hatchet返來。其他的應該都太大把，好難用得著。

好有Bushcraft的味道

Gränsfors Bruk 來自瑞典手工製作斧頭100多年歷史
Wildlife Hatchet 一個為scouting ＆ Camping而設計小斧，細小斧頭加上長手柄，輕巧但砍伐力強。



Video Review:

荷蘭之旅 - Camping記

歐洲Camping文化歷史悠久， 要搵campsite十分容易，今次來到依個距離阿姆斯市中心十分鐘車程既Campsite。係網上見到佢彩色既屋仔同Camping trailer 所給引，而且交通又方便，價位又OK。

離開到阿姆斯市中心光車站，轉坐26電車十分鐘去到Zuiderzeeweg，再行十幾分鐘，途經一條天橋，離遠望下湖邊一排排彩色屋仔就是Campsite了，到達後Check In被安排一間湖邊的Camping trailer，個View真係無得定呀。

同其他歐洲大型露營場所一樣，設施都十分完善。可以給帳幕位、露營車位。仲有屋仔可以出租。

煮食既地方，有電爐、微波爐、雪櫃

洗衣房

有一間小商店提供食材、飲品和一些間單既露營用品。如果懶得落廚的話，仲有一間餐廳。

時間關係，Camping 第一餐係香港帶過來的759 Risotto。係商店到買左個薯仔加料、還有野飲。間間單單的一餐。

朝早望住個湖景食個麵包飲杯咖啡，迎接日出。


第二天我地去了超市買餸。晚餐茄汁肉醬蝴蝶粉，當然要加上荷蘭芝士。剩底一半蝴蝶粉加上薯仔雞蛋粟米沙拉。

執包袱向下站出發。

荷蘭之旅 Day1,2－單車遊&交通

荷蘭比人的印象，主要有風車和花，比較其他歐洲既壯觀既歷史地標訊稍為遜色。不過荷蘭嘅小鎮村莊、農田湖泊運河，隨便一個角度都可以變成明信片。

荷蘭既公共交通工具網十分之發達，去邊都好方便。市內(巴士、電車等)可以上車買票(有1小時、1日票等等）如果想方便D可以用OV card，可以免去找續的麻煩，還有好多小火車站都未必有得賣票。
OV card 類似香港嘅八達通，上車拍卡(先扣起"巴士地鐵電車€4 火車€20）落車記住都要拍卡(根據路程退返啲錢) 。如果落車唔記得拍卡按金就會被扣去。坐火車一定要確定卡內有最少要有€20餘額。

要小心一些火車站是火車和地鐵共用的，閘口有分火車或地鐵，如果你要上火車但入了地鐵的閘，最後會被扣上€20+4€😭😭。共用的月台上會有兩種拍卡機比轉車的人用。

單車係荷蘭市民日常使用交通工具，今次黎到我哋都嘗試左體驗下依種樂趣。有荷蘭朋友叫我地唔好係阿姆斯特丹踩單車。因為市內交通實在太繁忙道路亦都比較狹窄，車有車行，人有人行，單車有單車行。如果一不小心好容易就會發生意外。

Day 1 單車熱身遊 Volendam （沃倫丹)Volendam 荷蘭傳統漁村亦都係觀光熱點，沿住湖邊都有好多特色嘅餐廳，售賣紀念品嘅小商店。

一到步，去到酒店擺低行李之後，就係酒店直接租左兩部單車(€9一部)，係漁村附近周圍遊覽下。肚空空就係湖邊小食店買咗個漁包同蝦包做早餐。

之後踩20分間到去到附近的Edam遊覽下。




午餐時間，窮遊既我哋午餐當然食得好Cheap啦，係麵包店買左一條法包再買一安士芝士(來到荷蘭我哋幾乎每餐都會食芝士)


牛餐之後沿住湖邊踩單車返去Volendam再坐船去小島Marken，參觀左木工場，再係超市補給下食物飲品(歐洲地區物價貴，係街邊小店買一枝細汽水要€2,3，但超市賣一大枝家庭都唔洗€2，當然係買枝大慢慢飲啦)。晚上冇咩活動，店鋪都好早收，晚餐留返係酒店房間內整野食食。早D休息明。

Day 2 長距離單車之旅 Hoorn＜＞Enkhuizen


成個荷蘭基本上都係平原，但係好多都低過海拔1米，有啲重低過海平面。所以荷蘭人起左好多保護堤，係海邊建築兩條長長既護堤型成左兩個超大既湖泊Markermeer和Ijsselmeer。

Hoorn 同 Enkhuizen各位於兩個湖既旁邊。
我地係Hoorn既火車站租左兩部單車(€9一部，係荷蘭好多火車站都有單車店可租單車)
荷蘭人好高，D單車都好高下， 初初上車個下都真係有D難道。車上有鎖和車尾架行李帶，可以放上行裝。
去程我們選擇較直接的路線，沿途經過好多田野和小村莊，除左市中心比較多車之外，
郊區的路段都十分之清靜，間中都會見到一些單車旅人，有獨自上路的也有三五成群，而且有老有幼。
我地係途經過既一個小船港午餐。到達Enkhuizen泊底部單車再途步周圍遊覽。
係荷蘭要去洗手間都有D難道，好多都要收費例如超市、火車站(€0.5起)。既然都要比我地去左幫襯餐廳飲杯啤酒食D野，再放低幾兩。

回程時我地沿著湖邊既河場踩回Hoorn。下午既陽光有點晒，加上運動中，只著T-shirt都可以了。

路上遇到兩位夫婦，當我地已經用最好高既巡航速度踩，佢地都可以輕鬆過頭。再細心睇下佢地部單車，應該係E-Bike，後來再發覺好多人都係踩E-Bike，真係好正既設計，令到長者還有一些媽媽可以載住兩個小朋友都可以輕輕鬆鬆使用單車作為生活既一部分。

今次難忘既荷蘭單車體驗真係好正呀。